काठमाडौं। अन्तर्राष्ट्रिय बजार भाउ पच्छ्याउँदै स्थानीय बजारमा सुनको भाउ पुनः बढेको छ । सुन तोलाको ५० हजार नजिक आइपुगेको छ ।
विहीबार छापावाल सुनको मूल्य तोलामा ४ सयले उकालो लागेर ४९ हजार ३ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
बुधबार पनि अघिल्लो दिनको तुलनामा तोलामा ७ सयले बढेर ४८ हजार ९ सय रुपैयाँमा कारोबार भएको थियो ।
यसदिन चाँदीको मूल्य पनि तोलामा १० रुपैयाँले बढेर ६ सय ९५ रुपैयाँमा कारोबार भएको महासंघले जनाएको छ ।
विहीबार साँझसम्म अन्तर्राष्ट्रिय बजारमा सुन प्रतिऔंस ११ सय १६ डलर हाराहारीमा कारोबार भएको थियो ।
