रौतहट । रौतहटको गरुडामा रहेको श्रीराम सुगर मिल्सले दुई वर्षदेखि बाँकी रहेको कृषकको रकम भुक्तानी गर्न थालेको छ । मिलले चिनी बेचेर बक्यौता भुक्तानी गरेको हो ।
तराईका जिल्लामा पाँच महिना लामो आमहडतालबाट उत्पादनमै असर परेको थियो । मिल्सले सूची प्रकाशित गरेरै पैसा तिर्न थालेको हो ।
आर्थिक वर्ष २०७०/७१ मा १५ र आर्थिक वर्ष ०७१/०७२ मा ७२ करोड रुपैयाँ गरी श्रीराम सुगर मिल्सले कृषकको ८७ करोड रुपैयाँ बक्यौता तिर्न बाँकी छ ।
यस वर्ष क्रसिङ सुरु गरेको मिल्सले उत्पादन भएको चिनी भन्डारण नै नगरी बिक्री गर्दै दृष्टिबन्धक, धितो राखेर पुरानो भुक्तानी गरिरहेको जनाएको छ ।
