२१ फागुन, काठमाण्डू
कांग्रेसमे नेतृत्व परिर्वतनके मांग भऽ रहल समय पार्टी सभापति शेरबहादुर देउवा भारी मतके साथ संसदीय दलके नेतामे निर्वाचित भेल छथि । एहिसँ देउवा आओर मजबुत बनल छथि तऽ नेतृत्व परिर्वतन पक्षधरके धक्का लागल अछि । दलक चुनावमे देउवाके पूर्वमहामन्त्री प्रकाशमान सिंह चुनौती देने छथि ।
दलक नेता देउवा बनबाक प्रष्ट छल मुदा, सिंहके कतेक मत भेटत विषयके अर्थपूर्ण मानलगेल छल । प्रतिनिधिसभाक ६३ सांसदमेसँ ४४ गोटे देउवाके भोट देलन्हि तऽ सिंह १९ मत प्राप्त कएने छथि । दलक चुनावमे देउवा रामचन्द्र पौडेल समूहक सांसदसभके सेहो अपन पक्षमे करबामे सफल देखलगेल नेतासभ बतओलन्हि अछि ।
एहिसँ देउवाके आओर मजबुत बनओने अछि । देउवा निकट सांसद मीन विश्वकर्मा कहलन्हि , ‘नेतृत्व परिर्वतनके बात बाहर जतेक भेलाक बादो हुनकासभके संगठनमे पकड नहि छल आ पार्टीमे एखनो देउवाके नेतृत्व आवश्यक रहल सन्देश देलक अछि ।’ देउवा विरुद्ध सिंहके उम्मेदवार बनओने समय पौडेल समूह १९ सँ २७ भोटके हिसाब निकालने छल ।
पौडेल समूहक १९, कृष्ण सिटौला समूहक तीन आ खुमबहादुर खड्का समूहक ५ सांसद अछि । देउवा समूहमे सेहो किछु गोटे असन्तुष्ट छलथि । मुदा, सिंह मात्र १९ मत प्राप्त कएलन्हि । सिटौला समूहक तीन सांसदमेसँ गगन थापा खुलि कऽ प्रकाशमान सिंहके पक्षमे छलथि । भीमसेनदास प्रधान प्रकाशमान सिंहके भोट नहि देलथि तऽ उमाकान्त चौधरीके अन्तिम समय धरि सिंहक पक्षमे लाबएके प्रयास भेल छल । पौडेल समूहक एक नेताके अनुसार पराजित निश्चित भेलाक बादो सिंह प्राप्त कएने मत कम अछि । पौडेल समूहमे रहल किछु नेतासभ देउवाके भोट देने बुझबामे आएल अछि ।
पछिला समय मिनेन्द्र रिजाल देउवासँग नजदिक भेल छथि । हुनका प्रमुख सचेतक बनएबाक देउवाके तैयारी अछि । एक समय देउवा निकट रहल ओ सुशील कोइरालाके समयमे एम्हर आएल छलथि । १३ अम महाधिवेशनमे सेहो पौडेल समूहमे छलथि । तहिना पौडेल समूहक नारायण खड्का, प्रमोद यादव सहित सेहो देउवाके भोट देने अनुमान कएलगेल अछि । प्रकाशमान सिंह निकटवर्तीसभ महामन्त्री शशांक कोइराला सेहो शंकाके घेरामे रहल बतबैत छथि । पौडेल समूहसँ महामन्त्री जितलाक बादो हुनका उपर सभापति देउवासँग मिलल आरोप लगैत आएल अछि ।
चुनावक बाद कांग्रेसमे नेतृत्व परिर्वतनके मांग कएलाक बादो कोइराला किछु नहि बाजल छथि ।
दलक नेताके चुनावमे सेहो ओ प्रकाशमानके खुलि कऽ समर्थन कएने नहि देखलगेल एक सांसद बतओलन्हि । महामन्त्री कोइराला निकट नेतासभ सेहो दलक नेतो दावा नहि करब आ अपन समुहमे अविश्वास बढ्लासँ पार्टी नेतृत्वमे हुनकर दावेदारीके कमजोर बनएबाक विशलेषण कएने छथि ।
दलक नेतामे पार्टी सभापति देउवा चयन भेलाक बाद केन्द्रीय सदस्य चन्द्र भण्डारी कडा टिप्पणी कएलन्हि अछि । एहिबीच संसदीय दलक नेता चयन भेलसंगहि देउवा विजयकुमार गच्छदारके उपनेता बनाओल गेल अछि ।
कांग्रेस छोडि कऽ फोरम होइत फोरम लोकतान्त्रिक बनओने गच्छदार चुनावसँ आगा कांग्रेसमे घुरल छलथि । हुनका सहादबहार मन्त्रीके रुपेँ सेहो चिन्हल जाइत अछि । जनतामे लोकप्रिय छवि बनाबए नहि सकल गच्छदारके उपनेता बना कऽ देउवा नेतृत्व परिर्वतनके मांग सुनए लेल सेहो तैयार नहि रहल सन्देश देलन्हि अछि ।
